2014 වර්ෂයේ ගත වූ මාස 08 තුළ දී ඩෙංගු බවට සැක කෙරෙන රෝගීන් 28,031ක් දිවයින මුළුල්ලෙන් ම වසංගත රෝග විද්‍යා ඒකකයට වාර්තා වී ඇති බව සෞඛ්‍ය අමාත්‍යාංශයේ වසංගත රෝග විද්‍යා අංශය පැවසීය.
ඩෙංගු රෝගීන්ගෙන් ආසන්න වශයෙන් 57.39%ක් පමණ වාර්තා වූයේ බස්නාහිර පළාතෙනි.
වැඩිම ඩෙංගු රෝගීන් සංඛ්‍යාව වාර්තා වූයේ 25වන සතිය තුළදීය. මදුරුවන් බෝවීමට ඉඩ ඇති ස්ථාන පරිසරයෙන් අඛණ්ඩව ඉවත් කිරීමේ අවශ්‍යතාව මෙම තත්ත්වය මඟින් පෙන්නුම් කරයි. එමෙන්ම උණ රෝගය වැළඳීමෙන් දින තුනක් ඉකුත් වූ පසුත් රෝගය පවතී නම් වෛද්‍ය ප්‍රතිකාර ලබා ගැනීම වැදගත් වන බව ද වසංගත රෝග විද්‍යා අංශය වැඩිදුරටත් සඳහන් කර ඇත.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
