අන්තර්ජාතික සංවර්ධන සමාජයට අනුබද්ධ ශ්‍රී ලංකාවේ අන්තර්ජාතික සංවර්ධන සමාජ ශාඛාව විසින් 'නැනෝ තාක්ෂණය භාවිතය ශ්‍රී ලංකාව සංවර්ධනයේ ඉදිරි පිම්මකට යොමුකරයි ද?' යන්න පිළිබඳව සාකච්ඡා කෙරෙන විශේෂ සම්මන්ත්‍රණයක් අද (26) කොළඹ 07, ප්‍රතිපත්ති අධ්‍යයන ආයතන (පදනම් ආයතනය අසල) ශ්‍රවණාගාරයේදී ප.ව. 5.00ට පැවැත්වේ.
ශ්‍රී ලංකාවේ තාක්ෂණ සංවර්ධන ක්ෂේත්‍රයට මෙම නැනෝ තාක්ෂණය භාවිතය සම්බන්ධව මූලික වශයෙන් මෙහිදී සාකච්ඡා කෙරේ. නැනෝ තාක්ෂණය ශ්‍රී ලංකාවේ සංවර්ධන ක්ෂේත්‍රයට යොදාගැනීම සම්බන්ධව වර්තමානයේ දැඩි අවධානයක් යොමු වී තිබෙන අතර දැනටමත් ශ්‍රී ලංකාව නැනෝ තාක්ෂණය භාවිතයට ගනී.
මෙම සම්මන්ත්‍රණයේදී ජ්‍යෙෂ්ඨ අමාත්‍ය තිස්ස විතාරණ, තාක්ෂණ හා පර්යේෂණ අමාත්‍ය පාඨලී චම්පික රණවක හා මහාචාර්ය ගිහාන් අමරතුංග යන විද්වතුන් දේශන පැවැත්වීමට නියමිතය.
MAP
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
