තවදුරටත් කරුණු දැක්වූ යුදහමුදාපතිවරයා;

ශ්‍රී ලංකා නාවික හමුදාවේ වැලිසර කඳවුරේ දී මීට ප්‍රථම දිනක ආසාදනයට ලක් වූ සෙබලා ආසාදනය වීමෙන් අනතුරුව පී.සී.ආර්. පරීක්ෂණ විශාල ප්‍රමාණයක් නාවික හමුදා කඳවුර හුදකලා  කිරීමෙන් අනතුරුව ඊයේ (23) දිනයේ ආසදනය වූ පුද්ගලයා ඇතුළුව 30ක් ආසාදනය වී ඇති බවට තහවුරු කරනු ලැබුවා.

 විශාල පරීක්ෂණ ප්‍රමානයක් අද (24) දිනත් සිදු කරනු ලැබුවා. හෙට (25) දින ද සිදු කිරීමට බලාපොරොත්තු වෙනවා. ඊයේ සහ අද සිදු කළ පරීක්ෂණවලට අනුව තවත් 30ක් ආසාදනය වී අති  බවට තහවුරු වෙනවා.

මේ වනවිට ශ්‍රී ලංකා නාවික හමුදා වැලිසර කඳවුරේ 60 දෙනෙකු කොවිඩ් 19 ආසාදනය වී ඇති බවට තහවුරු වී තිබෙනවා. නාවික හමුදා කඳවුර සම්පූර්ණයෙන් හුදකලා කඳවුරක් බවට පත් කරලා, කඳවුරේ සියලු අය නිරෝධායනයට ලක් කරමින් ඉදිරි කටයුතු සිදු කරමින් පවතිනවා.