මැතිවරණ කොමසාරිස්වරයා මේ බව පැවසුවේ අද (02) පෙරවරුවේ එම කාර්යාලයේ පැවති මාධ්‍ය දැනුවත් කිරීමකට එක්වෙමිනි.
මෙවර මැතිවරණයේදී කොළඹ ඡන්ද පත්‍රිකාවක දිග අඩි 02ක් පමණ වන බව පැවසූ ඔහු ගණන් කිරීමේ කටයුතුවලදී එය ඉතා අපහසු තත්ත්වයක් බවද පැවසීය. නීති පැනවීමේ බලයක් මැතිවරණ කොමසාරිස්වරයා සතු නොවන බවත් අගතියට පත් පිරිස වෙනුවෙන් කටයුතු කිරීමටත් පෞද්ගලික දේපොළ ආරක්ෂා කිරීමට ප්‍රමුඛ විධායකයෙන් තමාට උපදෙස් ලැබී ඇති බවත් සඳහන් කළේය.
ඡන්ද හිමි නාමලේඛනයේ නම ඇත්නම් ඕනෑම අයෙකුට ඡන්දය පාවිච්චි කිරීමට අයිතියක් ඇත. ඡන්දය ඉල්ලීමට ද අවස්ථාව ඇති අතර එයට අභියෝග කිරීමටත් පුළුවනි. මාධ්‍ය මඟින් ඡන්ද මධ්‍යස්ථාන රූගත කිරීමේදී ඡන්දදායකයාට බාධා නොවන පරිදි මීටර් 500ක් දුර සිට අදාළ කාර්යභාරය ඉටු කරගත හැකියි. රටේ ප්‍රධානියාට පමණක් ඡායාරූප ගැනීමේ අයිතිය ඇති බවත් ඔහු වැඩිදුරටත් පැවසීය.
NDH
