ඒ අනුව, ඔක්තෝබර් 11 දා ඇල්පිටිය ඇල්පිටිය ප්‍රාදේශීය සභා ඡන්ද විමසීම පැවැත්වීමට නියමිත බවත්, අදාළ ඡන්ද හිමියන් විසින් තමන් එවැනි ශාරීරික දුබලතාවයකට හෝ පූර්ණ ලෙස හෝ අර්ධ දෘශ්‍යබාධිත ත්ත්ත්වයටකට පත්ව සිටී නම් ඒ බව අදාල ග්‍රාම නිළධාරී හරහා ඒ සඳහා ඉල්ලුම් කල යුතු බවත්, එලෙස ඉල්ලුම් කරන සහායකයාට අදාළ වන පරිදි නීති මාලාවක් ද හඳුන්වා දීමට පියවර ගෙන ඇති බවත්, එහි පළමු නීතියට අනුව එම සහයකයා වයස අවුරුදු 18 සම්පුර්ණ විය යුතු අයෙකු විය යුතු බව අනිවාර්යය වන බවත් මෙහි දී රත්නායක මහතා පවසා සිටියේය.
තව ද එම සහයකයා දේශපාලන පක්ෂයක බලය ලත් නියෝජිතයෙකු හෝ ඡන්ද පොල නියෝජිතයෙකු වශයෙන් ද කටයුතු කරන්නෙකු නොවිය යුතු බව ද , එම ඡන්ද විමසීම සඳහා තරඟ කරන අපේක්ෂකයෙකු ද නොවිය යුතු බව ද වැඩි දුරටත් සඳහන් කළේය.
