රටේ ඇති වී තිබෙන මෙම අයහපත් කාලගුණික තත්ත්වය නිසා සිදුවිය හැකි මාර්ග අනතුරු හා වෙනත් හදිසි ආපදා අනතුරු වළක්වා ගැනීම සඳහා ජනතාව වැඩි අවධානයකින් කටයුතු කළ යුතු අතර එම හදිසි අනතුරු තත්ත්වයන් අවම කර ගැනීම සඳහා පොලීසිය හා අදාළ අංශ විසින් ලබා දෙන උපදෙස් පිළිපදින ලෙස ද දකුණු අධිවේගී මාර්ගය භාවිත කරන සමස්ත රියදුරන්ගෙන් මාර්ග සංවර්ධන අධිකාරිය ඉල්ලා සිටී.
කාලගුණ විද්‍යා දෙපාර්තමේන්තුව පෙන්වා දෙන ආකාරයට 2019 .09.23 වන දින පෙ.ව.8.30 සිට අද (24) දක්වා ගාල්ල දිස්ත්‍රික්කයේ වඳුරඹ, හියාරෙ සහ හික්කඩුව යන ප්‍රදේශවලට මි.මී.165 කට අධික වර්ෂාපතනයක් වාර්තා වී ඇති අතර එම වැසි සහිත කාලගුණික තත්ත්වය හෙට (25) රාත්‍රී දක්වාම පැවතිය හැකි බැවින් විශේෂයෙන් දකුණු අධිවේගී මාර්ගය භාවිත කරන රියදුරන් එම තත්ත්වයන් සැලකිල්ලට ගෙන පරීක්ෂාකාරී ලෙස රිය ධාවන කර අනතුරු වළක්වා ගන්නා මෙන් මාර්ග සංවර්ධන අධිකාරිය රියදුරන්ගෙන් ඉල්ලා සිටී.
