දැනට භාවිත කරන ජාතික හැඳුනුම්පත වෙනුවට සියලු තොරතුරු ඇතුළත් විද්‍යුත් ජාතික හැඳුනුම්පතක් නිකුත් කිරීම පිළිබඳව පුද්ගලයන් ලියාපදිංචි කිරීමේ දෙපාර්තමේන්තුව ජනතාව දැනුවත් කිරීමට පියවර ගෙන ඇත. ශ්‍රී ලංකාවේ අයට පමණක් මෙම හැඳුනුම්පත නිකුත් කරන අතර ඊට අදාළ අයදුම්පත්‍රයෙහි පවුලේ සියලුම අයගේ තොරතුරු ද ඇතුළත් කළ යුතුය.
ජාත්‍යන්තර ප්‍රමිතියකට අනුකූලව මෙය නිකුත් කරනු ඇත. කොළඹ විශ්වවිද්‍යාලය මඟින් මේ සඳහා තොරතුරු තාක්ෂණය ලබා දෙයි. ග්‍රාම නිලධාරීන් හරහා මෙම තොරතුරු ලබාගන්නා බැවින් අදාළ ලියවිලි සූදානම් කර තබාගන්නා ලෙස දිස්ත්‍රික් ලේකම් කාර්යාලය හා ප්‍රාදේශීය ලේකම් කාර්යාල මඟින් ජනතාව දැනුවත් කරයි.
NDH/mod
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
