ඒ අනුව මේ වන විටත් සජීවි මැතිවරණ ප්‍රතිඵල ලබාදීම සඳහා සියලු රූපවාහිනි හා ගුවන් විදුලි නාලිකා ඔවුන්ගේ විකාශන කටයුතු සඳහා වන මූලික කාර්යන්ද සිදු කෙරෙමින් පවතින බවද ප්‍රවෘත්ති අධ්‍යක්ෂවරයා පැවසුවේ ප්‍රවෘත්ති දෙපාර්තමේන්තු පරිශ්‍රයේ දී මාධ්‍ය වෙත අදහස් දක්වමිනි.
ඒ අතරම පුවත්පත් සඳහා මැතිවරණ ප්‍රතිඵල ක්ෂණිකව ලබාදීම සඳහා ද ප්‍රවෘත්ති දෙපාර්තමේන්තු කාර්යමණ්ඩලය යුහුසුළුව ක්‍රියාත්මක වීමට සුදානමිනි. රජයේ ප්‍රවෘත්ති අධ්‍යක්ෂවරයා වැඩිදුරටත් පවසන්නේ අන්තර්ජාල සම්බන්ධතා සඳහා වන පහසුකම්ද සපයා තිබෙන බවයි.
