මීටර් 38.2ක දිගින් යුතු මෙම මුර යාත්‍රාව P351 යන නාමයෙන් හඳුන්වා ඇත.

ඕස්ට්‍රේලියාව වෙත මෙරට සිට නීති විරෝධී ආකාරයෙන් ඇතුළුවීමට උත්සාහ කළ නීති විරෝධී සංක්‍රමණිකයන් අත් අඩංගුවට ගැනීමට පසුගිය වසර 05ක කාලයක් තුළ දී ශ්‍රී ලංකා නාවික හමුදාව විසින් අනුගමනය කරන ලද ක්‍රියාකලාපය පිළිබඳ ව ඕස්ට්‍රේලියානු බලධාරීන්ගේ ඉමහත් ප්‍රශංසාවට ලක් වූහ. එකී කටයුත්ත ඇගයීම වස් ඕස්ට්‍රේලියානු රජය විසින් මෙවැනි මුර යාත්‍රා 02ක් පරිත්‍යාග කරනු ලැබීය. මෙහි පළමු යාත්‍රාව මීට පෙර නාවික හමුදාව වෙත භාර දී ඇත.

එසේම මානුෂීය මෙහෙයුම අවසන් වූ අවස්ථාවේ සිට මේ දක්වා නාවික හමුදාව විසින් මෙසේ ඕස්ට්‍රේලියාව බලා ගමන් ගත් නීතිවිරෝධී සංක්‍රමණිකයන් 4327 දෙනෙකු අත්අඩංගුවට ගෙන වැඩිදුර පරීක්ෂණ සඳහා අදාළ අංශ වෙත භාරදී තිබෙන බව ද නාවික හමුදා මාධ්‍ය ප්‍රකාශකවරයා වැඩිදුරටත් ප්‍රකාශ කළේය.

NDH/mod