හෙට (29) පැවැත්වීමට නියමිත බස්නාහිර, දකුණ පළාත් සභා මැතිවරණය සාමාකාමීව පැවැත්වීම සඳහා පොලිස් නිලධාරීන් 25,000ක පමණ පිරිසක් යොදවා විශේෂ පොලිස් ආරක්ෂාවක් සැපයෙන බව පොලිස් මාධ්‍ය ප්‍රකාශක කාර්යාලයේ ජ්‍යෙෂ්ඨ පොලිස් නිලධාරියෙක් අපට ප්‍රකාශ කළේය.
ඡන්ද මධ්‍යස්ථානයේ සිට මීටර් 500ක සීමාව ඇතුළතට කිසිදු වාහනයක් ඇතුළුවීම තහනම් මෙන්ම අපේක්ෂයෙකුට හැර ඔහුගේ සහයෙකුට හෝ අනුගාමියෙකුට හෝ ඒ ප්‍රදේශයට ඇතුළු විය නොහැකිය.
එසේම මංමාවත්වල සිට ඡන්දය ආයාචනා කිරීම, තමන්ගේ ඡන්දය අන් අයෙකුට පාවිච්චි කිරීමට දීම, අන් අයකු සේ පෙනී සිටිමින් ඡන්දය පාවිච්චි කිරිම තහනම් වෙයි.
මැතිවරණ දිනයේ එම වැරදි කරන කවරකු වුවද අත්අඩංගුවට ගැනීමේ බලය පොලීසිය සතුව ඇතැයි එම ජ්‍යෙෂ්ඨ පොලිස් නිලධාරියා සඳහන් කළේය.
JR
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
