ඉන්දියන් ගුවන් සේවයට අයත් ඒ.අයි.281 දරන ගුවන් යානයෙන් ඉන්දීය විදේශ ලේකම්වරයා දිවයිනට පැමිණ ඇති අතර ඒ මහතා සමඟ තිදෙනෙකුගෙන් යුත් දූත පිරිසක් ද දිවයිනට පැමිණ තිබේ.
ඉන්දීය ව්‍යාපාර, මෙරට ප්‍රවර්ධනය කිරීම සහ මෙරට ආයෝජන පිළිබඳ සොයාබැලීම මෙම සංචාරයේ අරමුණ වී ඇත.
සංචාරය අතරතුර දී ශ්‍රී ලංකා රජයේ ප්‍රධානීන් සහ මෙරට ව්‍යාපාරික ප්‍රජාව සමග සාකච්ඡා පැවැත්වීමට ඉන්දීය විදේශ ලේකම්වරයා ඇතුළු දූත පිරිස සැලසුම් කර ඇත.
