2016 වර්ෂයට අදාළව නිකුත් කර ඇති පාසල් වාර සටහන සම්බන්ධයෙන් 27/2015 දරන චක‍්‍රලේඛයට අදාළව දිවයිනේ සියලුම මුස්ලිම් පාසල් දෙවන පාසල් වාරයේ දෙවන අදියර ලබන (07) වන දින ආරම්භ කිරීමට නියමිතව තිබුණ මුස්ලිම් පාසල් දෙවන පාසල් වාරය ලබන 11 වැනිදා ආරම්භ වන බව අධ්‍යාපන අමාත්‍යාංශය සඳහන් කරයි.
රාමසාන් අවුරුදු උත්සවය ජුලි මස 06 හෝ 07 දින පැවැත්වීමට නියමිතව ඇති බැවින්, ජූලි මස 07 සහ 08 දින දෙකෙහි සිසුන්ගේ හා ගුරු භවතුන්ගේ පැමිණීම ඉතා අඩුවිය හැකි නිසා මුස්ලිම් පාසල් සඳහා එම දින දෙක නිවාඩු ලබාදීමට තීරණය කළ බව අමාත්‍යාංශය පෙන්වා දෙයි.
ඒ අනුව රාමසාන් අවුරුදු උත්සවය වෙනුවෙන් මුස්ලිම් පාසල් සඳහා අතිරේකව ලබා දෙන නිවාඩු දෙක සඳහා අගෝස්තු මස 15 සහ 16 දින දෙකෙහි පාසල් පැවැත්වෙන බව අමාත්‍යාංශය වැඩිදුරටත් සඳහන් කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
