මෙම ව්‍යාපෘතිය යටතේ නිවාස 51ක් ඉදි කර ඇති බව රජයේ ප්‍රවෘත්ති දෙපාර්තමේන්තුවේ පැවති මාධ්‍ය හමුවේදී ලේකම්වරයා ප්‍රකාශ කළේය.
සිංහල හින්දු අලුත් අවුරුදු උත්සවයක්ද සම්ප්‍රදායන් හා චාරිත්‍ර සමඟ සිදු කිරිමට කටයුතු සුදානම් කර ඇති බවත් ජාතීන් අතර සංහිඳියාව වැඩි දියුණු කිරීමේ අරමුණින් මෙවැනි වැඩසටහන් ක්‍රියාවට නංවන බවත් ඒ මහතා පෙන්වා දුන්නේය.
මෙම නිවාස ව්‍යාපෘතිය පර්චස් 40 බැගින් වූ ඉඩම් කොටස් 80කින් සමන්විතය.
ආරක්ෂක අමාත්‍යංශයේ මග පෙන්වීම යටතේ ශ්‍රී ලංකා යුද්ධ හමුදාවේ 56 සේනාංකයේ මෙහෙයවිමෙන්, අපි වෙනුවෙන් අපි නිවාස අරමුදලින් සහ රජයේ අරමුදල් යොදවා ඇත.
මෙම එක් නිවසක් සඳහා රුපියල් මිලියන 02ක් වැය කර තිබෙන් අතර අනෙකුත් පොදු පහසුකම්‍ ලෙස ක්‍රීඩා පිටියක් , ප්‍රජා ශාලාවක් හා ළමා උද්‍යානයක් ද ලබා දිමට කටයුතු කර ඇති බව ලේකම්වරයා පැවසිය.
තවද නිවාසයන්හි ගෙවතු සැකසීම හා අලංකරණය සඳහා අදාළ රෙජිමේන්තුවල සහය ලබා ගැනීම සඳහා ද කටයුතු කර ඇත.
ඒ මහතා ප්‍රකාශ කර සිටියේ මෙම ව්‍යාපෘතියේ ප්‍රතිලාභීන් අතර දමිල ජාතික කාන්තා සෙබළියන් ද ,දමිල ජාතික කාන්තාවන් විවාහ කරගත් යුද්ධ හමුදා සෙබලුන් හා දරුවන් හත් දෙනකුගේ පිතෘත්වය දරණ හමුදා සෙබලකුද ඇතුලත් වන බවයි.
