කොරියාවේ උල්ෂාන් චාදේ (Ulsan Chaje) – භික්ෂු රෝහල් පද්ධතියේ අධිපති නොන්ග් හෑන්ග් (Nong Henge) භික්ෂුණින්වහන්සේ ප්‍රමුඛ කොරියානු බෞද්ධ දූත පිරිසක් ඊයේ (20) පෙරවරුවේ ජනාධිපති නිල නිවසේදී ජනාධිපති ගරු මෛත්‍රීපාල සිරිසේන මැතිතුමා හමු විය.
උල්ෂාන් චාදේ විහාරස්ථානය සඳහා සර්වඥ ධාතුන් වහන්සේ නමක් පූජා කිරීමද මෙහිදී ජනාධිපතිතුමා අතින් සිදු විය.
කොරියාවේ ශ්‍රී ලංකාරාමාධිපති පූජ්‍ය කටුවන විජිතවංශ. පූජ්‍ය පිටිගල සුවනෙතර යන ස්වාමින් වහන්සේලා ද, නියෝජ්‍ය අමාත්‍ය දුෂ්මන්ත මිත්‍රපාල මහතා ඇතුළු පිරිසක් මෙම අවස්ථාවට එක්ව සිටියහ.
