ඓතිහාසික යාපනය බළකොටුවේ පුරා විද්‍යාත්මක හා වාස්තු විද්‍යාත්මක වටිනාකමින් යුතු ස්මාරක සංරක්ෂණය කිරීමේ ව්‍යාපෘතිය අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් පසුගියදා ආරම්භ කෙරිණි.
අග්‍රාමාත්‍ය රනිල් වික්‍රමසිංහ මහතාගේ උපදෙස් පරිදි උතුරු පළාත් සංස්කෘතික උරුමය සංරක්ෂණය හා කළමනාකරණය කොට අනාගත පරපුරට දායාද කිරීම වෙනුවෙන් මෙම ව්‍යාපෘතිය ආරම්භ කර තිබේ.
පසුගියදා අධ්‍යාපන අමාත්‍යවරයා යාපනයේ සිදු කළ සංචාරයේදී වැඩසටහන් කිහියකටම එක් වූ අතර යාපනය මධ්‍යමහා විද්‍යාලයේ ආදි ශිෂ්‍ය සංවිධානයේ වැඩසටහන, යාපනය කොටුපවුර නිරීක්ෂණය කිරීම, යාපනය කෞතුකාගාරය නිරීක්ෂණය කිරීම, යාපනය විශ්ව විද්‍යාලයේ පැවැති උත්සවයට එක් වීම ඒ අතර විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
