මෙම සංවිධානයේ ක්‍රියාවන් සම්බන්ධයෙන් පැය 24 පුරාම ආරක්ෂක හමුදා සහ බුද්ධි අංශ දැඩි විමසිල්ලෙන් පසුවන බැව් ආරක්ෂක අමාත්‍යංශය වගකීමෙන් යුතුව සඳහන් කරයි.
සමහර පළ කෙරෙන මාධ්‍ය වාර්තා සංවේදී සහ අත්‍යවශ්‍ය බුද්ධි තොරතුරු හෙලිදරව් කරමින් කටයුතු කිරීම හේතුවෙන් සැක කටයුතු පුද්ගලයින් හඳුනා ගැනීමට ගන්නා උත්සාහයන් අඩපණ වීමටද හේතු කාරක වන අතර එවැනි උත්සාහයන් නිශ්ඵල තත්ත්වයට පත්වීමට ඉඩ ඇති බැව්ද සඳහන් කිරීම අත්‍යාවශ්‍ය වේ.
කෙසේ වුවද දැනට පවතින ආරක්ෂක තත්වය පිළිබඳව කිසියම් අනියත සැකයක් ඇති කර නොගතයුතු වන අතර ආරක්ෂක හමුදාවන්ට ලැබෙන බුද්ධි තොරතුරු නිසි ලෙස විශ්ලේෂණය හා තක්සේරු කරමින් නිවැරදිව එම කරුණු තහවුරු කර ගැනීම සදහා කටයුතු කරමින් සිටිනා බවද ආරක්ෂක අමාත්‍යංශය පවසයි.
AP
