එක්සත් ජාතින්ගේ සංවිධානයේ ඇමෙරිකානු තානාපතිනි සමන්තා පවර් මහත්මිය (Samantha Power, U.S. Permanent Representative to the United Nations) අද (21) පස්වරුවේ විදේශ කටයුතු අමාත්‍යාංශයේ දී විදේශ කටයුතු අමාත්‍ය මංගල සමරවීර මහතා හමුවීමට නියමිතය.
සමන්තා පවර් මහත්මිය අද (21) දිවයිනට පැමිණියේය. ඇමෙරිකාව සහ ශ්‍රී ලංකාව අතර ද්වීපාර්ශ්වික සබඳතා ශක්තිමත් කරගැනීමේ අරමුණින් සමන්තා පවර් මහත්මිය දිවයිනට පැමිණෙනු ඇත.
සමන්තා පවර් සිය සංචාරය අතරතුර රජයේ ඉහළ පෙළේ නිලධාරීන් සමඟ මෙන්ම සිවිල් සහ තරුණ සංවිධාන නියෝජිතයින් හමුවී සාකච්ඡා පැවැත්වීමට නියමිතව ඇත.
එමෙන්ම උතුරු පළාතේ සංචාරය කිරීමට ද ඇමෙරිකානු තානාපතිවරිය සැලසුම් කර ඇති අතර පළාතේ ඉහළ පෙළේ නිලධාරීන් හමුවී සාකච්ඡා පැවැත්වීමට නියමිතය.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
