ඒ මහතා මේ බව පැවසුවේ අද (14) රජයේ ප්‍රවෘත්ති දෙපාර්තමේන්තුවේ පැවති විශේෂ මාධ්‍ය සාකච්ඡාවට එක්වෙමිනි.
පවතින අධික වර්ෂාපතනය හේතුවෙන් දිස්ත්‍රික්ක 16ක වෙසෙන ජනතාව පීඩාවට පත්ව ඇති බවත් ඔවුන් වෙනුවෙන් සහන සැළසීම දිස්ත්‍රික් ලේකම් කාර්යාල මට්ටමෙන් සිදු කරන බවද ඒ මහතා පෙන්වා දුන්නේය.
අපදාවන්ට ලක්වූ ජනතාව හඳුනා ගෙන ඔවුන් සුරක්ෂිත ස්ථාන වෙත ගෙන යාමට කටයුතු කර ඇති බව කී ඒ මහතා , ඒ සඳහා ශ්‍රි ලංකා යුධ හමුදාව, නාවික හමුදාව ඔවුන්ගේ යාත්‍රා ,ට්‍රක් රථ,බර වාහන මඟින් මෙම පිරිස් ආරක්ෂිත ස්ථාන කරා ගෙන යාමට කටයුතු කරන බවද පැවසීය.
එමෙන්ම ජල ගැලීම් හේතුවෙන් මාර්ග අවහිර වී ඇති ප්‍රදේශවල ජනතාවට ප්‍රවාහන පහසුකම් ලබා දීම යුධ හමුදාව ට්‍රක් රථ සහ ට්‍රැක්ටර්වලින් සපුරා දෙනු ලබන බවද බව ආපදා කළමනාකරණ මධ්‍යස්ථානයේ වැඩබලන අධ්‍යක්ෂ ජනරාල් අදිප තිලකරත්න මහතා පැවසුවේය.
අපදා මධ්‍යස්ථානවල ඇති ජනතාවට මෙන්ම තම නිවෙස්වල උඩු මහල්වල සිටින සහ තමන්ගේ හිත මිතුරු ආදින්ගේ නිවෙස්වල සිටින ජනතාවට සහන සළසා දීම වෙනුවෙන් ආහාර පාන ලබා දීමත් සනිපාරක්ෂක අවශ්‍යතා ඉටු කිරීමත් ඉතා කාර්යක්ෂමව සිදු කරන බවද ඒ මහතා වැඩිදුරටත් පැවසීය.
