පාසල් දරුවන්ගේ අභ්‍යාස පොත් සහන මිලට ලබා දීමේ වැඩසටහනක් මුද්‍රණ දෙපාර්තමේන්තුව මගින් ආරම්භ කර ඇතැයි ජනමාධ්‍ය රාජ්‍ය අමාත්‍ය ශාන්ත බණ්ඩාර මහතා පැවසීය.
රාජ්‍ය අමාත්‍යවරයා මේ බව පැවසුවේ අද(13) පාර්ලිමේන්තුවේදී ප්‍රකාශයක් සිදු කරමිනි.
ඒ අනුව අදාළ පාසල් වල විදුහල්පතිවරුන්ගේ මැදිහත් වීම මත මේ සඳහා අයදුම් කළ හැකි බව රාජ්‍ය අමාත්‍යවරයා පැවසීය.
වැඩිදුරටත් අදහස් දැක් වූ රාජ්‍ය අමාත්‍යවරයා පැවසුවේ, පාසල් දරුවන්ගේ පොත් පත්වල මිල ගණන් අධික වීම සම්බන්ධයෙන් අද පාර්ලිමේන්තුවේ මන්ත්‍රීවරු කිහිප දෙනෙක්ම සාකච්ඡා කළ බවත් ඒ අනුව සහන මිලට පොත් පත් ලබා ගත හැකි බවයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
