කොරෝනා වෛයිරසය ව්‍යාප්තිය හේතුවෙන් අපහසුතාවයට පත්වි විදේශ රටවල සිටින විගමණික ශ්‍රමිකයන්ට ශ්‍රී ලංකා විදේශ සේවා නියුක්ති කාර්යාංශයේ උපදෙස් මත පහසුකම් ලබාදීමේ වැඩසටහන යටතේ ඩුබායි හා උතුරු එමිරේට්ස් හි ශ්‍රී ලාංකික විගමණික ශ්‍රමිකයන්ට වියලි අහාර ලබාදීම තානාපති කාර්යාලයේ කම්කරු සුභසාධන අංශය විසින් පසුගියදා සිදුකරන ලදි.
මෙහිදි එමිරේට්ස්, ඩුබායි. සාජා, රෝයල් කායිමා, අජ්මාන් වැනි ප්‍රදේශවල සිටින විගමණික ශ්‍රමිකයන්ට වියලි අහාර ලබාදීමට කඩිනමින් කටයුතු යොදා තිබිණි. කර්මාන්ත ශාලා තාවකාලිකව වසා දැමිම නිසා අපහසුතාවයට සිටින ශ්‍රමිකයන් හා නිති විරෝධිව රැදිසිටින ශ්‍රමිකයන්ට මේ අනුව වියලි අහාර ලබාදීම මෙසේ සිදුකර තිබේ.
මෙම අවස්ථාවට ඩුබායි හා උතුරු එමිරේට්ස් තානාපති කාර්යාලයේ කම්කරු සුභසාධන අංශය භාර කොන්සල් ජනරාල් ඉන්දිරා පතිනායක මහත්මිය ඇතුළු තානාපති අංශයේ නිලධාරින් එක්වි සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
