වැනසී යන ප්‍රෞඩ ශ්‍රී ලාංකීක උරුමය සුරැකීමට ජාතික උරුමයන් පිළිබඳ අමාත්‍යාංශය දීප ව්‍යප්තව සංවිධානය කරන ලද “දැයේ උරුමය දරුවන්ටයි” පාසල් දරුවන් දැනුවත් කිරීමේ වැඩසටහන යටතේ අන්තර් පාඨශාලීය රචනා තරගයේ ජයග්‍රහකයින් වෙත ත්‍යාග ප්‍රදානය පසුගිය දා අම්පාර ඩී.එස්. සේනානායක ජාතික පාසලේ දී පසුගියදා පැවැත්විණි.
“ජාතික උරුමයන් සුරැකීම උදෙසා සාමාජීය වගකීම්” යන මාතෘකාව යටතේ රචනා තරගය පැවැතිණ. මෙහිදී ප්‍රථම ස්ථානය දිනූ අම්පාර ඩී.එස්. සේනානායක ජාතික පාසලේ කේ.ඒ. ඉසුරි මධුෂානි කුලතුංග සිසුවියට අදාළ සහතිකපත ප්‍රදානය කිරීම ජාතික උරුමයන් පිළිබඳ අමාත්‍යාංශයේ අතිරේක ලේකම් බර්නාඩ් වසන්ත මහතා අතින් සිදු කෙරිණ.
මෙම අවස්ථාව සඳහා පුරාවිද්‍යා අධ්‍යක්ෂක ජනරාල් ආචාර්ය සෙනරත් දිසානායක මහතා, අම්පාර ඩී.එස්. සේනානායක විදුහලේ විදුහල්පති සමරනායක මහත්මිය සහ දරු දැරියන් ඇතුළු විශාල පිරිසක් සහභාගී වූහ.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
