බටහිර ආරක්ෂක සේනා මූලස්ථාන ආඥාපති මේජර් ජෙනරාල් උභය මැදවල මහතාගේ අදහසක් අනුව ක්‍රියාත්මක වූ මෙම වැඩසටහන සඳහා අලුත්ගම, ගනේගම ශ්‍රී පූර්වාරාම විහාරයේ සංඝයා වහන්සේලා විසින් දවස පුරා බෞද්ධාගමික වැඩසටහන් රැසක් ක්‍රියාත්මක කරන ලදී.
යුද හමුදා සාමාජිකයන් ඇතුළු 500ක් පමණ තරුණ පිරිස මෙදින සිල් සමාදන් වූ අතර, මෙහිදී පුජ්‍ය රේරුකානේ චන්ද්‍රවිමල හිමියන් විසින් රචනා කරන ලද පොත් පිංචක් බෙදාදීම ද සිදු කෙරිණි.
බුදුන් වහන්සේගේ ඉගැන්වීම අනුව යමින් රණ විරුවන් ඇතුළු තරුණ පරපුර තුළ සාමය, සහයෝගීතාව සහ යහපත් හැසිරීම වර්ධනය කිරීමේ අරමුණින් මෙම වැඩසටහන යුද හමුදාපතිවරයාගේ උපදෙස් මත දියත් කෙරිණි.
NDH/army media
