පොලොන්නරුව, කදුරුවෙල ජයන්ති මහා විහාරයේ විහාරාධිපති තමන්කඩුව හා පොලොන්නරුව දිසා ශාසනාරක්ෂක බල මණ්ඩලයේ ලේඛකාධිකාරී, පොලොන්නරුව බෞද්ධ සංගමයේ ගරු සභාපති පූජ්‍ය කදුරුවෙල ධම්මපාල නාහිමිපාණන් වහන්සේ වෙත ශ්‍රී ධම්මතිලක ධර්ම ශ්‍රී විචිත්‍ර ධර්ම කථික වංශාලංකාර ගෞරව සම්මුති නාම සහිත උතුරු මැද පළාතේ ප්‍රධාන අධිකරණ සංඝනායක ධූරයේ ශ්‍රී සන්නස්පත්‍රය ප්‍රදානය කිරීම සෞඛ්‍ය අමාත්‍ය මෛත්‍රීපාල සිරිසේන මහතා පෙරේදා (05) පොලොන්නරුව පුලතිසි බුද්ධි මණ්ඩපයේදී සිදු කෙරිණි.
අභිනව සංඝනායක හිමිපාණන් වහන්සේ වෙත විජිනිපත පිළිගැන්වීම සංස්කෘතික හා කලා කටයුතු අමාත්‍ය ටී.බී. ඒකනායක මහතා විසින් සිදු කරන ලදී.
මේ අවස්ථාවට පෑලියගොඩ විද්‍යාලංකාර පරිවේණාධිපති කොළඹ, හලාවත දෙදිසාවේ ප්‍රධාන සංඝනායක කැලණිය විශ්වවිද්‍යාලයේ කුලපති අතිපූජ්‍ය වැලමිටියාවේ කුසලධම්ම නාහිමියන් ප්‍රධාන මහා සංඝරත්නය, බෞද්ධ හා අන්‍යාගමික බැතිමත්හු විශාල පිරිසක් එක්ව සිටියහ.
NDH/WK-BG- dmu polonnaruwa
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
