අමාත්‍යවරයා මේ අදහස් පළ කළේ "කැලණි සිතුවිලි දියවර 2014" ප්‍රාදේශීය සාහිත්‍ය කලා මහෝත්සවයට ප්‍රධාන ආරාධිතයා වශයෙන් සහභාගී වෙමිනි. එම උත්සවය අද (03) මාලඹේ, කඩුවෙල ප්‍රාදේශීය ලේකම් කාර්යාලීය ශ්‍රවණාගාරයේදී පැවැත්විණි.
පංචායුධ පදනමේ පූර්ණ අනුග්‍රහයෙන් සංවිධානය කරනු ලැබූ මෙම සාහිත්‍ය කලා මහෝත්සවය කඩුවෙල ප්‍රාදේශීය ලේකම් කාර්යාලය, සංස්කෘතික කටයුතු දෙපාර්තමේන්තුව, ප්‍රාදේශීය සංස්කෘතික බලමණ්ඩලයේ පූර්ණ අධීක්ෂණය යටතේ පැවැත්විණි.
මෙහිදී කොළඹ විශ්වවිද්‍යාලයේ සිංහල අධ්‍යයන අංශයේ මහාචාර්ය සරත් විජේසූරිය මහත්මා විසින් ආරාධිත දේශනය පවත්වනු ලැබීය. මෙහිදී කලාකරුවන් කිහිපදෙනෙකුට අමාත්‍යතුමා අතින් සමරු තිළිණ ප්‍රදානය කෙරිණි.
මේ අවස්ථාවට බස්නාහිර පළාත් සභා මන්ත්‍රීවරුන් වන රොජර් සෙනෙවිරත්න, හෙක්ටර් බෙත්මගේ, කඩුවෙල නියෝජ්‍ය නගරාධිපති බුද්ධික ජයවිලාල්, කඩුවෙල සහකාර ප්‍රාදේශීය ලේකම් සම්පත් ඉඩම්ගොඩගේ යන මහත්වරු, කලාකරුවෝ, සම්මාන ලාභීහු, පාසල් ශිෂ්‍ය ශිෂ්‍යාවෝ ඇතුළු විශාල පිරිසක් සහභාගී වූහ.
NDH
