දිස්ත්‍රික් ලේකම් ඩී.පී.ජී. කුමාරසිරි මහතාගේ උපදෙස් මත සංවිධානය කෙරුණු මෙම පූජා උළෙල සහකාර දිස්ත්‍රික් ලේකම් ඒ.ඒ. විඳුර සම්පත් මහතාගේ ප්‍රධානත්වයෙන් පැවැත්විණි.
මෙම පූජා උළෙලට සමගාමී ව සංවිධානය කෙරුණු දමිළ සංස්කෘතික වැඩසටහනක් ද පැවති අතර නුවරඑළිය නගරාසන්නයේ පිහිටා තිබෙන දමිළ විද්‍යාල කිහිපයක දරු දැරියන් රැසකගේ නර්තනාංග කිහිපයකින් උත්සවය විචිත්‍රවත් වූහ. මේ සඳහා සහභාගී වූ සියලු ම දරු දැරියන් වෙත සහතිකපත් ලබාදීම ද මෙහිදී සිදු විය.
ද්විභාෂා දිස්ත්‍රික්කයක් වශයෙන් නුවරඑළිය දිස්ත්‍රික්කය ස්වකීය ආගමික සහ ජාතික වැඩසටහන් මෙසේ සහෝදරත්වය පෙරදැරිව සිදු කරන අතර මේ අවස්ථාවට දිස්ත්‍රික් ලේකම් කාර්යාලයේ සේවයේ නියුතු නිලධාරීහු රැසක් සහභාගී වී සිටියහ.
NDH/SH-dmu nuwaraeliya
