ජනමාධ්‍යවේදී ශාස්ත‍්‍රපති දයා ශ‍්‍රී නරේන්ද්‍ර රාජපක්ෂගේ "බුදුහිමි හා සන්නිවේදනය" ග‍්‍රන්ථය පසුගියදා බණ්ඩාරනායක ජාත්‍යන්තර සම්මන්ත‍්‍රණ ශාලාවේ පැවති ජාත්‍යන්තර පොත් ප‍්‍රදර්ශනයේදී එළිදැක්විණි.
මෙය පර්යේෂණාත්මක ශාස්ත‍්‍රීය ග‍්‍රන්ථයකි. ත‍්‍රිපිටකයේ, සූත‍්‍ර පිටකයේ සුත‍්‍ර 58ක් ඇසුරින් බුදු හිමියන්ගේ ධර්ම සන්නිවේදන විලාශයන් ඉතාමත් පැහැදිලි ව මෙහි විග‍්‍රහ කොට තිබේ. මෙය ශාස්ත‍්‍රීය විමර්ශනයන් 13කින් සමන්විත වූ කෘතියකි.
මෙහි කතුවරයා සන්නිවේදනය පිළිබඳ පොත්පත් රැසක් රචනා කොට තිබේ. එහිදී ලැබූ අත්දැකීම හා ත‍්‍රිපිටකය පරිශීලනය කොට සූත‍්‍ර ගණනාවක් ඇසුරින් විමර්ශනාත්මක ව මෙය රචනා කොට තිබේ.
දිවුලපිටියේ සරස්වතී ප‍්‍රකාශන සමාගමේ ප‍්‍රකාශනයක් ලෙස මෙම ග‍්‍රන්ථය නිකුත් කර ඇත.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
