දහසය වන වරට සංවිධානය කරන කොළඹ ජාත්‍යන්තර පොත් සල්පිලෙහි එල් ශාලාවේ අමාත්‍යවරයාගේ කෘති වෙනුවෙන් වෙනම ම කුටියක් මේ මස 10 වන දා සිට 17 වනදා දක්වා පවත්වා ගෙනයනු ලැබේ. පොත් සල්පිල පැවැත්වෙන සෑම සතියේ දිනකම පෙරවරු 10.00 සිට 12.00 දක්වා ත් සවස 5.00 සිට 6.00 අතර කාලයේ ත් අමාත්‍ය චම්පික රණවක මහතා එම ස්ථානයේ රැඳී සිටිමින් සමරු අත්සන ලබාදීමටත් පාඨකයන් සමඟ සාකච්ඡා කිරීමටත් අපේක්ෂිතය.
මෙයට සමගාමී ව මේ මස 12 සහ 14 සති අන්තයේ දෙදින පස්වරු 4.00 සිට 6.00 දක්වා අවස්ථා දෙකකදී අමාත්‍ය චම්පික රණවක මහතාගේ විශේෂ දේශන දෙකක් සරණ පාරේ BMICH පිටවීමේ දොරටුව ඉදිරිපස පාරේ පිහිටා ඇති මූලික අධ්‍යයන ආයතන (IFS) ශ‍්‍රවණාගාරයේ පැවැත්වීමට කටයුතු සංවිධානය කර ඇත.
තාක්ෂණ හා පර්යේෂණ අමාත්‍ය පාඨලී චම්පික රණවක මහතා සිය ශිෂ්‍ය අවධියෙන් ආරම්භ කළ ලේඛන කලාව සිය විශ්වවිද්‍යාල දිවියේදී රජය, විවිධ වෘත්තිය පාර්ශවයන් හා පොදු පාඨකයාව විවිධ ක්ෂේත‍්‍ර සහ විෂයන් පිළිබඳව දැනුවත් කිරීමට භාවිත කළේය.
1989 දී සිය පළමු කෘතිය එළිදැක් වු චම්පික රණවකයන් අද වන විට විවිධ ක්ෂේත‍්‍ර මුල් කර ගනිමින් සිංහල කෘති 13ක් සහ ඉංගී‍්‍රසි කෘති 6ක් ප‍්‍රකාශයට පත් කර ඇත. දේශපාලනය, සංවර්ධනය, ත‍්‍රස්ත‍්‍රවාදය, සිංහල උරුමය හා අභියෝග, මුස්ලිම් අන්තවාදය, පරිසරය සහ බලශක්ති ක්ෂේත‍්‍රය මුල් කර ගනිමින් චම්පික රණවක සිය ප‍්‍රකාශන එළිදක්වා ඇත.
ඒ මහතා විසින් රචිත ඉංග්රීසි කෘති ලෙස Beyond the Metaphysics of Common Sense (1998), Strip of Tigers(2000), Dawn of New Green Era (2008), Charge of the Lion Brigade (2009), Illuminating the Future (2011) සහ Power and Power (2014) හඳුන්වා දිය හැකිය.
ECB
