ශ්‍රී ලංකාවේ නිදහස් අධ්‍යාපනයේ පියා ලෙස විරුදාවලිය ලත් සී.ඩබ්ලිව්.ඩබ්ලිව්. කන්නන්ගර මහතාගේ 45 වන ගුණානුස්මරණ ජාතික මහෝත්සවය මේ මස 22 සහ 23 දිනයන්හි දී වේයන්ගොඩ බණ්ඩාරනායක මධ්‍ය විද්‍යාලයේදී පැවැත්වීමට විද්‍යාලයේ ආදි ශිෂ්‍ය සංගමය කටයුතු යොදා ඇත.
22 දින දහවල් මහා සංඝරත්නය 45 නමක් විෂයෙහි සංඝගත දක්ෂිණාවක් පවත්වා කන්නන්ගර මහතාට පිං අනුමෝදන් කිරීමටත් 23 දින ගුණානුස්මරණ ජාතික මහෝත්සවය අධ්‍යාපන අමාත්‍ය බන්දුල ගුණවර්ධන මහතාගේ ප්‍රධානත්වයෙන් පැවැත්වීමටත් කටයුතු යොදා ඇත.
සී.ඩබ්ලිව්.ඩබ්ලිව්.කන්නන්ගර සමරු දේශනය කොළඹ විශ්වවිද්‍යාලයේ ජ්‍යෙෂ්ඨ කථිකාචාර්ය සරත් විජේසූරිය මහතා විසින් පවත් වනු ලබන අතර, චිත්‍ර තරග හා කථික තරග ජයග්‍රාහකයින්ට ත්‍යාග සහ සහතිකපත් පිරිනැමීමද එදින සිදු කෙරේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
