42 වන යෞවන සම්මාන උළෙල සදහා තරඟ අංශ 45 ක් යටතේ සම්මාන 130ක් පිරිනැමූ අතර දිවයින පුරා විසිරී සිටින නව නිර්මාණකරුවන් කුසලතා පූර්ණ තරුණ තරුණියන් සම්මානිතයන් ලෙස අභිෂේක ගැන්විණි.
2020 වසරේ සිංහල මාධ්‍ය කෙටි නාට්‍ය අංශයේ හොඳම රංගන ශිල්පියා හා රංගන ශිල්පිනිය ලෙස ඩී. ඒ. තරිඳු මධුසංක හා ප්‍රාර්ථනා සමාධී සම්මාන දිනා ගත්හ.
දිගු නාට්‍ය අංශයේ හොදම රංගනය වෙනුවෙන් ඉෂාන් කුලතිලක හා ආශා හංසනී සම්මානයට පාත්‍ර විය.
දමිළ මාධ්‍ය කෙටි නාට්‍ය අංශයෙන් හොඳම රංගන ශිලපීන් ලෙස එස්. සිවරාජා හා ෆාතිමා ශාමියා සෞජන් ඇතුළු රංගන ශිල්පීන් සම්මාන දිනාගත්හ.
එමෙන්ම 09 වන යෞවන චිත්‍රපට උළෙල නියෝජනය කරමින් කෙටි හා වාර්තා චිත්‍රපට යන කාණ්ඩ දෙක නියෝජනය කළ සමස්ත චිත්‍රපට 162 අතුරින් හොඳම කෙටි චිත්‍රපටය ලෙස සම්මානය දිනා ගන්නා ලද්දේ ‘මගේ තාත්තා බල්ලෙක්’ චිත්‍රපටය වන අතර, හොදම වාර්තා චිත්‍රපටය ලෙස ‘දවසක්’ චිත්‍රපටය සම්මානයෙන් පිදුම් ලැබීය.
