සර්ව ආගමික කටයුතුවලට මුල්තැන දෙමින් ආරම්භ වූ මේ බක්මහ උළෙලේ අලුත් අවුරුදු ක්‍රීඩා රැසක් පැවැත්විණි. කිරි උතුරුවීම, අලුත් අවුරුදු ගනුදෙනු, නෑගම් යාම ආදී සාම්ප්‍රදායික අංග රැසකින් හා සිඟිති නර්තන, ගායනා ප්‍රසංගවලින් මෙය විචිත්‍රවත් විය.
සිංහල හා දෙමළ අලුත් අවුරුදු චාරිත්‍ර පිළිබඳ සිඟිති දූ පුතුන්ට අවබෝධයක් ලබාදීමේ අරමුණින් මෙය සංවිධානය කළ බව මෙහි විදුහල්පතිනිය හා විධායක අධ්‍යක්ෂිකාව වන ජනාධිපති ශිරන්ති වික්‍රමසිංහ රාජපක්ෂ මැතිණිය පැවසුවාය.
සිඟිති බක්මහ උළෙලේ ප්‍රධාන ආරාධිතයන් ලෙස මධ්‍යම පළාත් ආණ්ඩුකාර ටිකිරි කොබ්බෑකඩුව, දියවඩන නිලමේ ප්‍රදීප් නිලංග දෑල හා මහනුවර නගරාධිපති මහේන්ද්‍ර රත්වත්තේ මහත්වරු ද දෙමාපිය, ගුරුවරුන් ඇතුළු පිරිසක් ද සහභාගි වූහ.
NDH/pmu
