ශ්‍රී ජයවර්ධනපුර විශ්වවිද්‍යාලයේ (ශ්‍රී ලංකා විද්‍යෝදය විශ්වවිද්‍යාලය) ආදී කර්තෘවරයාණන් මෙන්ම ප්‍රථම උප කුලපතීන් වහන්සේ වූ අතිපූජ්‍ය වැලිවිටයේ ශ්‍රී සෝරත ස්වාමීන් වහන්සේගේ 51 වෙනි ගුණානුස්මරණ උත්සවය ලබන ජූලි 17 වෙනි දින පෙරවරු 9.00ට ශ්‍රී ජයවර්ධනපුර විශ්වවිද්‍යාලයේ ආර්.ඒ.ඒ. පෙරේරා ශාලාවේදී පැවැත්වේ.
මෙහි ගුණානුස්මරණ දේශනය සිදුකරනු ලබන්නේ පුරාවිද්‍යා චක්‍රවර්ති අතිපූජ්‍ය එල්ලාවල මේධානන්ද ස්වාමීන්ද්‍රයන් වහන්සේ විසිනි.
එදින පෙරවරු 9.00 ආගමික වතාවත්වලින් පසුව ශ්‍රී සෝරත නාහිමි ප්‍රතිමාවට පුෂ්පෝපහාර දක්වමින් ආරම්භ කරන මෙම වැඩසටහන මෙහෙයවනු ලබන්නේ ආචාර්ය මාගම්මන පඤ්ඤානන්ද ස්වාමීන්ද්‍රයන් වහන්සේ විසිනි.
මේ අවස්ථාවට පූජ්‍ය මැදගම්පිටියේ විජිතධම්ම ස්වාමීන්ද්‍රයන් වහන්සේ, ජයවර්ධනපුර විශ්වවිද්‍යාලයේ උප කුලපති ආචාර්ය එන්.එල්.ඒ. කරුණාරත්න මහතා ඇතුළු පිරිසක් එක්වීමට නියමිතය.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
