ඇසළ පොහොය දින නිමිත්තෙන් මහියංගනය ඓතිහාසික රජ මහා විහාරයේ ආගමික කටයුතුවල නිරත වූ අග්‍රාමාත්‍ය ආචාර්ය දි.මු. ජයරත්න මහතා, අස්ගිරි සංඝ සභාවේ ජ්‍යෙෂ්ඨ සංඝ සභික මහියංගන රජමහා විහාරාධිකාරී පූජ්‍යපාද උරුලෑවත්තේ ධම්මරක්ඛිත හිමිපාණන් වහන්සේ බැහැ දුටුවේය.
එහිදී අග්‍රාමාත්‍ය ආචාර්ය දි.මු. ජයරත්න මහතා උන්වහන්සේ වෙත අටපිරිකර ද පූජා කළේය.මහියංගන චෛත්‍ය වැඳ පුදා ගැනීමෙන් අනතුරුව එතුමා ඓතිහාසික ශ්‍රී සමන් දේවාලයේ විශේෂ පූජාවකට ද සහභාගී විය.මෙම අවස්ථාවට අග්‍රාමාත්‍ය පෞද්ගලික ලේකම්, මධ්‍යම පළාත් සභා මන්ත්‍රී නීතිඥ අනුරාධ ලංකා ජයරත්න මහතා ද සහභාගී විය.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
