නොවැම්බර් 21, 2024
"යුද බිමේ යුගයක්" මැයෙන් මාධ්‍යවේදී අනුර දොරකුඹුර විසින් රචිත මානුෂීය මෙහෙයුමේ මාධ්‍යවේදියෙකුගේ ජීවන අත්දැකීම් සංග්‍රහය එළිදැක්වීම ලබන 21 දින සවස 3.00ට කොළඹ 07, මහවැලි කේන්ද්‍රයේදී සිදු කෙරේ.
මානුෂීය මෙහෙයුමේදී එදා නොකී බොහෝ කතා අතුරින් බිඳක් රටට හා ලෝකයට එළදැක්වීමේ අරමුණින් මේ කෘතිය සම්පාදනය කර ඇත.
ස්වාධීන රූපවාහිනී සේවයේ මාධ්‍යවේදියෙකු වන අනුර; මානුෂීය මෙහෙයුමේදී යුද බිමේ සිට දෛනිකව පුවත් වාර්තා කිරීමේ ක්‍රමවේදය ස්වාධීන රූපවාහිනී සේවයේ ආරම්භ කළ මාධ්‍යවේදයා වේ. මේ ජාතික වගකීම ඉටුකරමින් සිටියදී දොරකුඹුර මහතා ත්‍රස්ත ප්‍රහාරයන්ට ලක්ව තුවාල ලබා දිවි බේරා ගත් අවස්ථා බොහොමයකි.
භාරදූර කාර්යයක නිරතව හැකි උපරිමයෙන් තම සේවය රට වෙනුවෙන් ලබා දුන් මේ මාධ්‍යවේදියා අවස්ථාවන් ගණනාවක මාධ්‍ය ආයතනයේ මෙන්ම සමස්ත සමාජයේ ම ඇගයීමට ලක් ව ගෞරව සම්මාන හා සහතිකපත් ලබා ගත් අවස්ථා රැසකි.
තම මාධ්‍ය ආයතනයේ දී සේවා ඇගයීමට ලක් වූ අතර ජාතික සමඟි සංගමය මඟින් මාධ්‍යශූරී කලාභූෂණ ගෞරව නාමයෙන් ද පිදුම් ලැබීය. තුන් හෙළ ව්‍යාපාරය මඟින් විශ්වකීර්ති මාධ්‍යශූරී වීරප්‍රසාද ගෞරව උපහාර සම්මානයත් හිමි කර ගැනීමට අනුර දොරකුඹුර මහතා සමත් විය.
NDH
නවතම පුවත්
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
