අති පූජ්‍ය නාරන්පනාවේ විමලකීර්ති ශ්‍රී සරණපාල චන්ද්‍රජෝත්‍යාභිධාන උඩුදුම්බර මහා නායක ස්වාමින්වහන්සේට වෛද්‍ය ප්‍රතිකාර ලබාදීම සඳහා රාජ්‍ය ආරක්ෂක හා නාගරික සංවර්ධන අමාත්‍යාංශයේ ලේකම් ගෝඨාභය රාජපක්ෂ මහතා විසින් රුපියල් ලක්ෂයක මුදලක් ලබාදීමට පසුගියදා කටයුතු කරනු ලැබ ඇත.
මේ වන විට එම ස්වාමින්වහන්සේ අනතුරකට ලක්ව ගිලන්ව සිටින අතර, පසුගිය දා කෙළඹ පැවැති ජය පිරිත් සජ්ඣායනාව දිනවල එම කටයුතු සාර්ථක කර ගැනීමට ද නාහිමියන් කැපවීමෙන් කටයුතු කරන ලදී.උඩුදුම්බර ඉසිපතනාරාමයේදී මෙම මුදල ආරක්ෂක අමාත්‍යාංශයේ සහකාර ලේකම්වරියක් විසින් එම ස්වාමින්වහන්සේ වෙත පිරිනමන ලද අතර, මෙම අවස්ථාවට විහාරස්ථාන දායක සභාවේ සාමාජිකයන් පිරිසක්ද එක්වූහ.
ECB/mod
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
