ශ‍්‍රී ලංකාවේ ප‍්‍රථම ශ‍්‍රී දළදා පෙරහර වන අනුරාධපුර ඓතිහාසික ශ‍්‍රී දළදා පෙරහර මෙවරත් පැවත්වීම සඳහා කප් සිටුවීම හෙට (09) පෙ.ව. 8.57ට යෙදෙන සුබ මොහොතින් අභයගිරි චෛත්‍ය රාජයාණන් ඉදිරිපිට පිහිටි බහිරව දේවාල පරිශ්‍රයේ දී සිදු කරන බව අභයගිරි විහාරාධිපති අනුරාධපුර බුද්ධ ශ‍්‍රාවක විශ්වවිද්‍යාලයේ ජ්‍යෙෂ්ඨ කථිකාචාර්ය කල්ලංචියේ රතනසිරි නාහිමියෝ පැවසූහ.
මේ පෙරහරේ අවසන් මහා පෙරහර අති උත්කර්ෂවත් ලෙස ලබන 11 හා 12 දෙදින තුළ පැවත්වීමට සියලු කටයුතු සංවිධානය කර ඇත.
අනුරාධපුර අටමස්ථානාධිපති ආචාර්ය පූජ්‍ය පල්ලේගම සිරිනිවාස නාහිමිපාණන් වහන්සේගේ අනුශාසනා පරිදි උතුරු මැද පළාත් ප‍්‍රධාන අමාත්‍ය එස්.එම්. රංජිත් සමරකෝන් මහතා ප‍්‍රමුඛ සංවිධායක කමිටුව විසින් අලි ඇතුන් හා උඩරට පහතරට නැටුම් සහිතව ඉපැරණි චාරිත‍්‍රානුකූලව මේ පෙරහර පවත්වනු ලබයි.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
