ළමා ලේකම් කාර්යාලය මගින් 7 වන වරටත් සංවිධානය කරනු ලබන "අරුණ දකින රටා" මුල් ළමාවිය දරුවන්ගේ චිත්‍ර ප්‍රදර්ශනය කාන්තා හා ළමා කටයුතු අමාත්‍ය චන්ද්‍රානි බණ්ඩාර මහත්මියගේ ප්‍රධානත්වයෙන් ලබන 11 වැනි දින මහරගම ජාතික තරුණ සේවා සභාවේදී පැවැත්වීමට කටයුතු සංවිධානය කර ඇත.
ඊට සමගාමීව ත්‍යාග ප්‍රදානෝත්සවය ද පවත්වනු ලැබේ.
ලංකාවේ සියලුම දිස්ත්‍රික්ක නියෝජනය වන පරිදි අවුරුදු 3ත් 4ත් අතර පෙර පාසල් යන හා නොයන මුල් ළමාවිය දරුවන් 500කගේ සිතුවම් 500ක් මෙහිදී ප්‍රදර්ශනය කිරීමට නියමිත වන අතර පස්වරු 2.00ට එම දරුවන් වෙත ත්‍යාග පිරිනැමීම සිදු වේ.
මුල් ළමාවිය දරුවන්ගේ සෞන්දර්යාත්මක හැකියාවන් මෙන්ම හසුරු කුසලතා වර්ධනය කිරීමත් එම හැකියාවන් වැඩිදියුණු කර ගැනීම සඳහා ඔවුන් දිරිමත් කිරීමත් සහ අගය කිරීමත් මෙම වැඩසටහන මගින් අපේක්ෂා කෙරේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
