වසර හැටක දිර්ඝ කාලය තුළ මෙම විද්‍යාලය සමස්ත ලංකා තරගාවලියකින් ප්‍රථම ස්ථානය දිනාගත් පලමු අවස්ථාව මෙය වීම විශේෂත්වයකි. '' ගුණ නැණ බල සපිරි ''පුතුන් ලොවට බිහි කිරීමේ දැක්ම පෙරදැරි කරගෙන යන ගමනේ සුවිශේෂි අවස්ථාවක් ලෙස එය සැලකිය හැකි බව විද්‍යාලයේ විදුහල්පති සී. එන්. එම්. මොහොට්ටාල මහත්මිය පවසුවාය.
ආර්ථික සහ විවිධ අපහසුතා බහුලව ඇතත් , ධෛර්යය, විශ්වාසය සහ කැපවීම ඇත්නම් දරුවන්ට තම ජයග්‍රහනයක් ළඟාකරගැනීමට හැකියි යන සත්‍යය මෙමගින් තවදුරටත් පැහැදිළි වන බව විදුහල්පතිනිය පවසයි. මෙම සමස්ත ලංකා පාසල් සංගීත හා පාසල් නාට්‍ය තරගයට සහභාගී වුනේ 4 සහ 5 වසරවල ඉගෙනුම ලබන සිසු සිසුවියන් 12 දෙනෙකි. විද්‍යාලයේ විදුහල්පතිවරියගේ මගපෙන්වීම යටතේ ඒ. බී. එස්. සුභාශිණී ගුරු මහත්මිය මෙම ජයග්‍රහනය සිසුන්ට මෙන්ම පාසලට අත් කරදීමට කැපවී කටයුතු කර තිබේ.
