ශ්‍රී ලංකාව නිදහස ලබා 70 වසරක් ගෙවී යන මේ මොහොතේදී සාධාරණ හා සමානාත්මතාවයෙන් යුත් සමාජයක් සඳහා මඟපෑදීමට, තමන් සංහිඳියාව යනුවෙන් අදහස් කරන්නේ කුමක්ද යන්න පිළිබිඹුවන ආකාරයේ ඡායාරූප ලබාගැනීමටත් ඒවා ඔස්සේ තම අදහස් ප්‍රකාශ කිරීමටත් ශ්‍රී ලාංකික ජනතාවට වේදිකාවක් නිර්මාණය කරදීම මෙම ඡායාරූප ප්‍රදර්ශනයෙන් අරමුණු කෙරේ.
ඒ අනුව ආධුනික හා ප්‍රවීණ යන කාණ්ඩ දෙක ඔස්සේ ඕනෑම අයෙකුට ‘සංහිඳියාව යනු...’ මාතෘකාව යටතේ ඡායාරූප ලබාගෙන මේ සඳහා ඉදිරිපත් කිරීමේ අවස්ථාව පවතී. ඒ අතුරින් අත්දැකීම් බහුල විනිසුරු මඬුල්ලක් විසින් තෝරාගැනෙන හොඳම ඡායාරූප 70, ලබන සැප්තැම්බර් මාසයේදී පැවැත්වෙන ප්‍රදර්ශනයට එක්කෙරෙනු ඇත. තවද යුරෝපා සංගම් දූත කාර්යාලයේ 2018 වාර්ෂික දින කැලැන්ඩරය නිර්මාණය කිරීමේදීත් මේ ඡායාරූප භාවිත කිරීමට නියමිත අතර ජාතික සමගිය හා සංහිඳියා කාර්යාංශය එම සේයා රූ යොදා පොත් පිංචක් නිර්මාණය කිරීමට බලාපොරොත්තු වෙයි.
ආධුනික ඡායාරූප ශිල්පීන්ගේ සහභාගීත්වය වඩාත් දිරිගන්වමින් තමන්ගේ ස්මාට් ජංගම දුරකතන ඔස්සේ ලබාගන්නා ඡායාරූප පවා මෙයට ඉදිරිපත් කළ හැකි බව සංවිධායකයින් පෙන්වා දෙයි. ආධුනික සහ ප්‍රවීණ යන කාණ්ඩ දෙකේම ජයග්‍රාහකයින්ට වටිනා ත්‍යාග හිමිවේ.
මෙම වැඩසටහන පිළිබඳ අදහස් දක්වමින් ජාතික සමගිය හා සංහිඳියා කාර්යාංශයේ සභාපතිනී හිටපු ජනාධිපතිනී චන්ද්‍රිකා බණ්ඩාරනායක කුමාරතුංග මහත්මිය මෙසේ පැවසුවාය. “ජාතික සමගිය හා සංහිඳියාව ඉදිරියට ගෙනයාම වෙනුවෙන් අප කාර්යාංශය සිසුන්, විද්වතුන්, විශ්ව විද්‍යාල, ප්‍රතිපත්ති සම්පාදකයින්, සිවිල් සමාජය හා පූජ්‍ය පක්ෂය ආදී සමාජයේ විවිධ පිරිස් සමඟ සමීපව කටයුතු කරනවා. වර්තමාන රජයේ ප්‍රමුඛතාවන් හා අනුගත වෙමින් සංවිධානය කෙරෙන මෙම ඡායාරූප ප්‍රදර්ශනය ඔස්සේ සංහිඳියාව තමන්ට දැනෙන ආකාරය නිර්මාණශීලී ලෙස ඉදිරිපත් කිරීමේ අවස්ථාව ජනතාවට උදාවෙනවා”.
“ශ්‍රී ලංකාවේ සංහිඳියා ක්‍රියාදාමය වෙනුවෙන් සහාය දැක්වීම යුරෝපා සංගමයේ ඉහළ ප්‍රමුඛතාවයක් ලෙස සැලකිය හැකියි. ඒ නිසා ශ්‍රී ලාංකිකයින් සතුව රටේ අනාගතය ගැන තිබෙන සුබවාදී අපේක්ෂාවන් පිළිබිඹු කිරීමට ජාතික සමගිය හා සංහිඳියාව කාර්යාංශයත් සමඟ එක්වී මෙම වැඩසටහන අපි ඉදිරිපත් කළා. මේ ඡායාරූප ප්‍රදර්ශනය හරහා අපි බලාපොරොත්තු වෙන්නේ, ජාතික සංහිඳියාවේ අවශ්‍යතාව වෙනුවෙන් සෙසු ශ්‍රී ලාංකිකයන් සමඟ හැඟීම් හුවමාරු කරගැනීමට කතිකාවතක් නිර්මාණය කරදීමයි. සංහිඳියාව ක්‍රියාදාමය තුළින් ශ්‍රී ලංකාවේ වෙසෙන ජනතාවගේත් ඔවුන්ගේ සංස්කෘතික විවිධත්වයේත් වටිනාකම අගය කිරීමට ලක්කරන අනන්‍යතාවයන් රැසක් බිහිවනු ඇත යන්න අපේ විශ්වාසයයි” යනුවෙන් මෙරට යුරෝපා සංගම් දූත කාර්යාලයේ උපදේශක පෝල් ගොඩ්ෆ්‍රි මහතා පැවසීය.
නිර්මාණ ඉදිරිපත් කළ යුතු ආකාරය:
නිර්මාණයේ පැහැදිලිතාව (resolution): උපරිම පැහැදිලිතාවයෙන් හා ඡායාරූපයේ මුල් ස්වරූපය ආරක්ෂාවන පරිදි ඉදිරිපත් කළ යුතුය.
නිර්මාණයේ ලිපිගොනු ධාරිතාව: මෙගා බයිට් 25ට අඩු
සඳහන් කළයුතු තොරතුරු: ඡායාරූප ශිල්පියාගේ නම, ඡායාරූපය ගනු ලැබූ ස්ථානය, ඡායාරූපයට ඔබින පාඨයක් (ඇත්නම්)
නිර්මාණ එවිය යුතු විද්‍යුත් ලිපිනය - This email address is being protected from spambots. You need JavaScript enabled to view it.
වැඩිදුර තොරතුරු පුවත්පත් සහ පහත වෙබ් අඩවි හරහා ලබාගත හැක.
ONUR ෆේස්බුක් පිටුව: www.facebook.com/ONURgovLK
යුරෝපා සංගම් දූත කාර්යායේ ෆේස්බුක් පිටුව: www.facebook.com/EUDel.Srilanka.Maldives
ඡායාරූප ප්‍රදර්ශනයේ නිල ලාංඡනය මේ සමඟ අමුණා තිබේ.
වැඩිදුර තොරතුරු සඳහා:
දේශපාලන, වෙළෙඳ හා සන්නිවේදන අංශය
ශ්‍රී ලංකාවේ හා මාලදිවයිනේ යුරෝපා සංගම් දූත කාර්යාලය
දුරකතන: + 94 11 2674413
විද්‍යුත් ලිපිනය: This email address is being protected from spambots. You need JavaScript enabled to view it.
වෙබ්: www.eeas.europa.eu/delegations/sri_lanka
ෆේස්බුක්: www.facebook.com/EUDel.Srilanka.Maldives
ට්විටර්: @EU_in_Sri_Lanka
සන්නිවේදන හා සබඳතා අංශය
ජාතික සමගිය හා සංහිඳියා කාර්යාංශය
දුරකතනය: + 94 11 2343501
විද්‍යුත් ලිපිනය: This email address is being protected from spambots. You need JavaScript enabled to view it.;
වෙබ්: www.onur.gov.lk
ෆේස්බුක්: www.facebook.com/ONURgovLK
ට්විටර්: @ONURgo
