2018 රාජ්‍ය නාට්‍ය උළෙල සිංහල හා දමිළ මාධ්‍යයෙන් පැවැත්වෙන අතර ස්වතන්ත්‍ර/ පරිවර්තන හා අනුවර්තන නාට්‍ය සුදුසුකම් ලබයි . 2017 ජනවාරි 01දා සිට දෙසැම්බර් 31දා දක්වා ප්‍රදර්ශනය කළ හෝ කරනු ලබන නාට්‍ය මෙම උළෙල සඳහා ඉදිරිපත් කළ හැකිය.
සියලු ම අයදුම්කරුවන් සංස්කෘතික කටයුතු දෙපාර්තමේන්තුව මගින් නිකුත් කරනු ලබන අයදුම්පත සම්පූර්ණ කර නාට්‍ය පිටපතක් සමග "නාට්‍ය ප්‍රවර්ධන අංශය, සංස්කෘතික කටයුතු දෙපාර්තමේන්තුව, 8 වන මහල, සෙත්සිරිපාය, බත්තරමුල්ල" යන ලිපිනයට එවිය යුතුයි.
2018 රාජ්‍ය නාට්‍ය උළෙලේ අයදුම්පත හා ව්‍යවස්ථාව ඉහත ලිපිනයෙන් හෝ සංස්කෘතික කටයුතු දෙපාර්තමේන්තුවේ වෙබ් අඩවියෙන් www.culturaldept.gov.lk ලබාගත හැකි අතර මීට අමතරව දිවයින පුරා සෑම දිස්ත්‍රික් ලේකම් කාර්යාලයක ම සංස්කෘතික අංශයෙන් ද ලබාගත හැකිය.
අයදුම්පත් භාරගැනීම 2017 සැප්තැම්බර් 25 වන දින අවසන් වන අතර මේ පිළිබඳව වැඩි විස්තර 011 – 2872385 දුරකථනයෙන් ලබාගත හැකිය.
