එක්සත් ජාතීන්ගේ වෙසක් දින උත්සවය නිමිත්තෙන් පැවැත්වෙන දියවන්නා වෙසක් කලාපයේ තෙවන දින සමාරම්භය සනිටුහන් කරමින් එහි විදුලි පහන් දැල්වීම, දර්ශනීය කෘතිම වතුර මල හා තොරණ විවෘත කිරීම ජනාධිපති මෛත්‍රීපාල සිරිසේන මැතිතුමාගේ සුරතින් ඊයේ (12) සිදුකෙරිණි.
බෞද්ධාගමික රටවල් මගින් ඉදිරිපත් කර තිබූ ප්‍රදර්ශන කුටි නැරඹු ජනාධිපතිතුමා වෙත සමරු තිළිණ ලබාදීම ද මෙහිදී සිදුවිය.
එක්සත් ජාතීන්ගේ ජාත්‍යන්තර වෙසක් දින උත්සවය නිමිත්තෙන් පැවැත්වෙන දියවන්නා වෙසක් කලාපය බත්තරමුල්ල චෝගම් පිටියේදී මැයි මස 14 වනදා දක්වා පැවැත්වීමට නියමිතය.
මෙම අවස්ථාවට කතානායක කරු ජයසූරිය, අමාත්‍යවරුන් වන පාඨලි චම්පික රණවක, දයා ගමගේ, විජයදාස රාජපක්ෂ, ඇතුඑ මැති ඇමතිවරුන් සහ විදේශීය තානාපතිවරුන් සමග නියෝජිතයින් ද සහභාගී වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
