ඒ අනුව මධ්‍යම සංස්කෘතික අරමුදල සහ පුරා විද්‍යා දෙපාර්තමේන්තුවේ ඒකාබද්ධ ව්‍යාපෘතියක් ලෙස මෙම සංරක්ෂණ කටයුතු ක්‍රියාත්මක කිරීමට සැලසුම් කර ඇති අතර එහි සමාරම්භක උත්සවය අධ්‍යාපන අමාත්‍යවරයාගේ ප්‍රධානත්වයෙන් අද (11) සිදු කිරීමට නියමිතය.
පුරා වසර 10ක කාලයක් තිස්සේ මෙම සිතුවම් නිසි පරිදි සංරක්ෂණය කිරීමක් සිදුවී නැති අතර පසුගියදා අධ්‍යාපන අමාත්‍යවරයාගේ මැදිහත්වීම මත සීගිරි බිතුසිතුවම් පරීක්ෂා කිරීමට පැමිණි ඉතාලි ජාතික විශේෂඥයින් දඹුලු ලෙන් විහාරයේ බිතු සිතුවම්ද පරීක්ෂාවට ලක්කර ඇති අතර ඔවුන්ගේ ද නිගමනය වී ඇත්තේ කෘමීන්ගෙන්, පුස් බැඳීමෙන් හා දිය සෙවල බැඳීමෙන් සිතුවම්වලට හානි සිදුවී තිබෙන අතර මෙම චිත්‍රවල පුරාවිද්‍යා වටිනාකමට හානි සිදුවීමේ අවදානමක් ද මතු වී තිබෙන බවයි.
