ඛනිජ තෙල් කර්මාන්ත අමාත්‍ය අනුර ප‍්‍රියදර්ශන යාපා අමාත්‍යතුමාගේ ඉල්ලීමක් අනුව මහජන සම්බන්ධතා අමාත්‍යාංශය විසින් ක‍්‍රියාත්මක කරනු ලබන ආගමික සිද්ධස්ථාන නගාසිටුවීම සඳහා ආධාර ලබාදීමේ වැඩසටහන යටතේ මෙම ආධාර මුදල් බෙදා දෙන ලදී.
නීතිඥ චන්දන යාපා, කමල් හේරත් යන වයඹ පළාත් සභා මන්තීවරුන් සහ පන්නල ප‍්‍රාදේශීය සභා මන්තී‍්‍රවරුන් මහජන සම්බන්ධතා අමාත්‍යාංශයේ ලේකම් කැෂියන් හේරත් මහතා ඇතුළු විශාල පිරිසක් මේ අවස්ථාවට සහභාගී වූහ.
සමාරම්භක අවස්ථාවේ දී මාකදුර ශ්රී සරණංකරාරාම විහාරස්ථානය, හෙන්ඩියගල ශාස්ත්‍රෝදය පිරිවෙන, වැටකෙයාව චන්ද්‍රබිම්බාරාම විහාරය සහ ඊරියගොල්ල අබේසිංහාරාමය වන විහාරස්ථාන සඳහා මුල්‍ය ආධාර පිරිනමන ලදී.
NDH/HC
