අධ්‍යාපන රාජ්‍ය අමාත්‍ය වී. රාධක්‍රිෂ්ණන් මහතාගේ ප්‍රධානත්වයෙන් අධ්‍යාපන අමාත්‍යාංශයේ දී පසුගියදා පැවති උත්සවයේදී සමස්ත ලංකා නර්තන තරගාවලියේ විශිෂ්ට කුසලතා දැක් වූ සිසු දරුවන් 120 දෙනෙකු ඇගයීමට ලක් වූහ.
එමෙන්ම, මෙම තරගාවලියේ විනිශ්චය කටයුතු සඳහා දීර්ඝකාලීනව සම්බන්ධ වූ විශ්වවිද්‍යාල කථිකාචාර්යවරුන්, සහ ප්‍රවීණ නර්තන ශිල්පීන් 28 දෙනෙක් වෙනුවෙන් විශේෂ උපහාර සම්මාන පිරිනැමීමක් ද මෙහි දී සිදු විය.
වසරක් පාසා පවත්වනු ලබන මෙම වැඩසටහන අධ්‍යාපන අමාත්‍යාංශයේ සෞන්දර්ය අධ්‍යාපන ශාඛාව මඟින් සංවිධානය කරනු ලබයි.
අධ්‍යාපන අමාත්‍යාංශයේ රාජ්‍ය ලේකම් තුමන්, අතිරේක ලේකම්වරුන් සහ පළාත් නර්තන විෂයභාර නියෝජ්‍ය සහ සහකාර අධ්‍යාපන අධ්‍යක්ෂවරුන් පිරිසක් ද මෙම අවස්ථාවට එක්ව සිටියහ.
