ශ්‍රී ලාංකේය පොදු පාඨක ප්‍රජාව අතර පොත පත කියවීම දිරිගැන්වීමේ අරමුණින් 2004 වසරේදී ප්‍රකාශයට පත් කළ ජාතික කියවීමේ මාසය වැඩසටහනේ සම්මාන ප්‍රදානෝත්සවය අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් හෙට (14) ජාතික ලේඛනාරක්ෂක දෙපාර්තමේන්තු ශ්‍රවණාගාරයේදී පැවැත්වේ.
2015 වසරේදී ප්‍රාදේශීය වශයෙන් කියවීම් ප්‍රවර්ධන වැඩසටහන් ඉටුකළ පුස්තකාල අතුරින් දිස්ත්‍රික්, පළාත් හා සමස්ත ලංකා මට්ටමින් ජයග්‍රහණ හිමිකරගත් පුස්තකාල 75ක් සඳහා සම්මාන සහ සහතිකපත්‍ර ප්‍රදානය කිරීම මෙහිදී සිදු කිරීමට අපේක්ෂිතය.
මීට අමතරව ග්‍රාමීය පුස්තකාල සංවර්ධන වැඩසටහන යටතේ පාසල් පුස්තකාල 05ක් සහ මහජන පුස්තකාල 05ක් සංවර්ධනය කිරීම සඳහා රු.15,00000/= ක් වටිනා ලී බඩු උපකරණ හා රු.500,000/=ක් වටිනා පොත් කට්ටල ප්‍රදානය කිරීමට ද නියමිතය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
