ප්රාදේශීය ව විසිරී සිටින සාහිත්‍ය නිර්මාණකරුවන්ගේ කෘති අලෙවි කිරීම සඳහා වෙළඳපොළ අවස්ථා විවරකරදීම, ලේඛකයින්ගේ ආර්ථීක සවිමත්භාවය වර්ධනය කිරීම, ළමා හා තරුණ නිර්මාණකරුවන් ලේඛන කලාව කෙරෙහි යොමුකිරීම හා නවපරපුර තුළ පොත් පත් පරිශීලනය හා කියවීමේ පුරුද්ද වර්ධනය කිරීම ආදී අරමුණු මුල්කරගෙන මෙම වැඩසටහන ක්‍රියාත්මක කෙරේ.
මෙම වැඩසටහන මගින් ඒ ඒ දිස්ත්‍රික්ක තුළ සිටින ලේඛක ලේඛිකාවන්ගේ කර්තෘ ප්‍රකාශන ග්‍රන්ථ අලෙවි කරදීමට කටයුතු යොදන අතර ඒ අනුව 2017 වර්ෂයේ ජනවාරි මාසයේ සිට සතියේ සෑම බදාද දිනකම දිස්ත්‍රික් ලේකම් කාර්යල පරිශ්‍රවලදී මෙම ග්‍රන්ථ අලෙවි වැඩසටහන ක්‍රියත්මක කිරීමට නියමිතය.
