2016 වසරේ දී දීප ව්‍යාප්තව පැවැත්වූ ආබාධ සහිත තැනැත්තන් සඳහා වූ තරගාවලියේ ජාතික තරග ජයග්‍රහණය කළ කලාකරුවන් මෙම උත්සවයේ දී සම්මානයෙන් පිඳුම් ලැබීමට නියමිතය.
මෙම අවස්ථාවට අභ්‍යන්තර කටයුතු, වයඹ සංවර්ධන හා සංස්කෘතික කටයුතු අමාත්‍ය එස්.බී. නාවින්න, නියෝජ්‍ය අමාත්‍ය පාලිත තෙවරප්පෙරුම මහත්වරු ඇතුලු මැති ඇමතිවරු රැසක් සහභාගිවීමට නියමිතය.
ශ්‍රී ලංකාවේ මුළු ජනගහනයෙන් 7% ක් පමණ විවිධ විශේෂ අවශ්‍යතා ඇති (ආබාධ සහිත) පුද්ගලයෝ වෙති. මෙම පුද්ගලයින් අතර විශේෂිත කලා හැකියාවන් සහිත බොහෝ දෙනා වෙති. විවිධ අබාධ නිසා ඔවුන්ගේ කලා හැකියාවන් වර්ධනය කරගැනීමටත් ඒවා ප්‍රදර්ශනය කිරීමටත් ඔවුන්ට අවස්ථාවක් නොමැති වීම නිසා සංස්කෘතික කටයුතු දෙපාර්තමේන්තුව විසින් මෙම උළෙල සංවිධානය කරනු ලබයි.
