රාජ්‍ය උත්සවයක් ලෙස පැවැත්වෙන මෙම පූජා මංගල්‍යය අටමස්ථානාධිපති උතුරු - මධ්‍යම දිසාවේ ප්‍රධාන සංඝනායක ආචාර්ය පුජ්‍ය පල්ලේගම හේමරතන මහ නාහිමිපාණන්ගේ අනුශාසකත්වයෙන් පැවැත්වේ. එය රාජ්‍ය උත්සවයක් ලෙස පැවැත්වීම ආරම්භ කර ඇත්තේ 1987 වසරේදී ය. ඒ පූජ්‍ය පෙරිමින්කුලමේ උපතිස්ස නායක ස්වාමීන්වහන්සේගේ මුලිකත්වයෙනි.
රටට ජාතියට ආශිර්වාද පතා පැවැත්වෙන මෙහි සංවිධානය කටයුතු සිදුකරන්නේ , අභයගිරි විහාරාධිකාරී , ශ්‍රී ලංකා භික්ෂු විශ්වවිද්‍යාලයේ ප්‍රායෝගික බෞද්ධ අධ්‍යයනාංශයේ අංශාධිපති ආචාර්ය පූජ්‍ය කලලංචියේ රතනසිරි ස්වාමීන් වහන්සේ ය. උත්සව කමිටුවේ සභාපතිත්වය මහදිසාපති ඩී.පී.ජී. කුමාරසිරි මහතා විසින් දරනු ලබයි.
AP/DMU-Anuradhapura
