ජාත්‍යන්තර කම්කරු දිනය අදට යෙදී තිබේ.
බොහෝ රටවල මැයි දිනය පුරාණ වසන්ත උත්සවයක් ලෙස සැළකෙන නමුත් , වර්තමානයේ එය ලොවපුරා කම්කරුවන් සිදු කරන ලද ඓතිහාසික අරගල සහ ජයග්‍රහණ සැමරීම වෙනුවෙන් කම්කරු දිනය යොදා ගැනේ.
මුල් කාලයේදී විවිධ සමාජවාදී කොමියුනිස්ට් සංවිධාන සහ කම්කරු කණ්ඩායම් මැයි දිනය සැමරීමට එක්ව තිබේ. 19 වැනි ශතවර්ෂයේ ඇමරිකා එක්සත් ජනපද කම්කරුවන්ට දිනකට අවම වශයෙන් පැය 15ක සේවා මුරයක් හදුන්වා දීමට එරෙහිව එරට විශාල උද්ඝෝෂණ රැල්ලක් ඇතිවීම කම්කරු දිනය ආරම්භ වූ හේතුව ලෙස දැක්වේ.එහිදී විරෝධතාකරුවන්ගේ ප්‍රධාන ඉල්ලීම වී ඇත්තේ පැය 8 ක සේවා වැඩමුරයක් ලබා ගැනීමයි.
එසේම 1886 වර්ෂයේ මැයි පළමුවැනි දින චිකාගෝවේදී කම්කරුවන් ලක්ෂ දෙකක් පමණ වැඩ වර්ජනයක නිරත වී ඇති අතර ඔවුන්ගේ ඉල්ලීම වී ඇත්තේ ද පැය 8ක වැඩමුරයක් ඉල්ලා සිටීමයි.එම වර්ෂයේම මැයි 3වැනි දින හයිමාකර්ට් චතුරස්‍රෙය් පැවැති සාමකාමී රැලියකට පොලිස් ප්‍රහාරයක් එල්ල වීමෙන් කම්කරුවන් 200කට අධික පිරිසක් මිය ගොස් තවත් විශාල පිරිසක් තුවාල ලබා ඇත.මෙම සිද්ධිය හයිමාකර්ට් ඛේදවාචකය ලෙස හඳුන්වන අතර වර්ෂ 1889දී අන්තර්ජාතික සමාජවාදී සමුළුවේදී මෙම සිදුවීම ස්මරණය කිරීම වෙනුවෙන් මැයි පස පළමුවැනි දින කම්කරුවන් සඳහා ජාත්‍යන්තර නිවාඩු දිනයක් ලෙස තීරණය කර තිබේ.
ශ්‍රී ලංකාවේ පළමු මැයි දිනය පවත්වා ඇත්තේ 1933 වර්ෂයේදී වන අතර ඒ සඳහා නායකත්වය ගෙන ඇත්තේ ඒ ඊ.ඒ ගුනසිංහ මහතා යි.එසේම ශ්‍රී ලංකාවේ මැයි දිනය නිවාඩු දිනයක් ලෙස ප්‍රකාශයට පත් කර ඇතතේ වර්ෂ 1956 දී වේ.
