පන්දුවට පහරදීමේදී ශ්‍රී ලංකා කණ්ඩායම වෙනුවෙන් කමිඳු මෙන්ඩිස් ලකුණු 13 ක් හා ළහිරු කුමාර ලකුණු 10 ක් ලබාගත් අතර අනෙකුත් කිසිඳු පිතිකරුවෙක් ලකුණු 5 සීමාව හෝ ඉක්මවා යාමට නොහැකි විය. පන්දු යැවීමේදී දකුණු අප්‍රිකා කණ්ඩායම වෙනුවෙන් Marco Jansen කඩුලු 7 ක් හා Gerald Coetzee කඩුලු 2 ක් බිඳ හෙළීමට සමත් වුණා.

දෙවන දිනට ඊයේ(28) තරගය නතර කරන විට සිය දෙවන ඉනිමට පන්දුවට පහරදෙමින් සිටි දකුණු අප්‍රිකානු කණ්ඩායම කඩුලු 3ක් දැවී ලකුණු 132ක් ලබා සිටී. ඒ අනුව මේ වන විට දකුණු අප්‍රිකානු කණ්ඩායම ශ්‍රී ලංකා පළමු ඉනිමට වඩා ලකුණු 281ක් ඉදිරියෙන් පසුවනවා.

දකුණු අප්‍රිකානු කණ්ඩායම සිය පළමු ඉනිමට සියලුදෙනා දැවී ලකුණු 191 ක් ලබා ගත්තේය. පන්දුවට පහරදීමේදී දකුණු අප්‍රිකා කණ්ඩායම වෙනුවෙන් නායක Temba Bavuma ලකුණු 70 ක් හා Keshav Maharaj ලකුණු 24 ක් ලබා ගැනීමට සමත් විය. පන්දු යැවීමේදී ශ්‍රී ලංකා කණ්ඩායම වෙනුවෙන් ළහිරු කුමාර කඩුලු 3 ක්, අසිත ප්‍රනාන්දු කඩුලු 3 ක් ,විශ්ව ප්‍රනාන්දු හා ප්‍රභාත් ජයසූරිය කඩුලු 2 බැඟින් බිඳ දැමීමට සමත් වූහ.