පවතින අයහපත් කාලගුණය හේතුවෙන් , දිස්ත්‍රික්ක 18ක ප්‍රාදේශීය ලේකම් කොට්ඨාස 141කට අයත් පවුල් 66,947ක පුද්ගලයින් 230,743 දෙනෙකු පීඩාවට ලක්ව ඇති බව ආපදා කළමනාකරණ මධ්‍යස්ථානයේ අධ්‍යක්ෂ ජනරාල් උදය හේරත් මහතා පවසයි.
රජයේ ප්‍රවෘත්ති දෙපාර්තමේන්තුවේ ඊයේ (27) පැවැත් වූ මාධ්‍ය හමුවකට එක්වෙමින් ඔහු මේ බව පැවැසීය.
විපතට පත්වුවන් ගලවා ගැනීම හා සහන සේවා කටයුතු මේ වන විට ක්‍රියාත්මක බව, මෙම මාධ්‍යහමුවට එක් වූ ජාතික සහන සේවා මධ්‍යස්ථානයේ අධ්‍යක්ෂ නාමල් ලියනගේ මහතා ප්‍රකාශ කරයි. සුරක්ෂිත මධ්‍යස්ථානවල මේ වන විට 15,000ට අධික පිරිසක් සිටින බවත්, එම පුද්ගලයින්ට ආහාර සහ අනෙකුත් පහසුකම් සැපයීම දිස්ත්‍රික් මට්ටමින් සිදුකරන බවද කීය. රටපුරා ත්‍රිවිධ හමුදාව සහ පොලිසියේ සහය ඒ් සඳහා ලබා ගන්නා බවද ඒ් මහතා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
